Documents of Final Demonstration Teaching

Sta. Monica National High School

Masusing Banghay-Aralin sa Araling Panlipunan 9

Ekonomiks

Ika- 20 ng Nobyembre, 2017

I. Layunin

Sa pagtatapos ng talakayan, ang mga mag-aaral ay inaasahang:

a. naipaliliwanag ang konsepto ng patakarang pananalapi;

b. napahahalagahan ang mga bangko at paglago ng ekonomiya sa ating bansa; at

c. nakabubuo ng sariling pamagat ayon sa nasuring larawan.

II. Nilalaman

a. Paksa: Patakarang Pananalapi

b. Sanggunian: Batayang Aklat sa Ekonomiks 9 (Modyul ng Mag-aaral) Balitao, B., Cruz

N,. Rillo J. et.al.,304-314

c. Kagamitan: Kagamitang biswal, batayang aklat, speaker, laptop, projector at mga

larawan

III. Pamamaraan:

Gawain ng Guro	Gawain ng Mag-aaral
A. Pang araw-araw na Gawain 1. Panalangin	Magdarasal
2. Pagbati Magandang Umaga Grade 9- Noah!	Magandang Umaga din po Ma’am Denice!
3. Pagsasaayos ng silid-aralan Bago kayo umupo ay siguruhing walang kalat sa paligid at iayos ang inyong mga upuan. 4. Pagtala ng Liban Monitor, mayroon bang lumiban sa ating klase ngayon?	Wala po Ma’am
4. Balik-aral Word Tuklas Panuto: Naghanda ang guro ng mga salita at tutukuyin ito ng mga mag-aaral kung ito ay para sa Expansionary Fiscal Policy at sa Contractionary Fiscal Policy. Ipapaskil sa pisara at itatapat ang tamang sagot na salita na nakuha ng mag-aaral. Expansionary Fiscal Policy · Pagbili ng maraming kalakal at paglilingkod ng pamahalaan · Pagbabawas sa ibinabayad na buwis · Pagdagdag ng gastos ng pamahalaan · Naglalayong mapataas ang output ng ekonomiya Contractionary Fiscal Policy · Naglalayong pababain ang output ng ekonomiya · Pagpapataas ng singil ng buwis · Binabawasan ng pamahalaan ang gastusin upang mapabagal ang pagsulong ng ekonomiya. · Nagbubunga ng pagbaba ng demand.	(ipapaskil ang tamang sagot sa pisara)

B. Pagganyak

Gawain ng Guro

Gawain ng Mag-aaral

B. Pagganyak

Panuto: Ipakikinig ang awit na “Mukha ng pera” ng The Youth.

1. ano ang mensahing ipinababatid ng awitin?

2. gaano nga ba kahalaga ang pera sa tao?

Tama! Kung gaano kahalaga sa iyo ang pagsasaayos ng pera mo ay ganito din ito kahalaga sa ating bansa. Ang ganitong pagsasaayos ng pananalapi ng bansa ay hindi na kayang gampanan ng pamahalaan kung nag-iisa lamang. Kaya kailangan nito ay ang patakaran sa pananalapi.

Sa araw na ito sa tingin nyo tungkol saan ang paksang ating tatalakayin ngayon?

Tama! Ang ating tatalakayin sa araw na ito ay tungkol sa patakarang pananalapi.

1. Opo.

2. Dahil ito po ang ginagamit natin pamalit upang makabili ng mga pag-kain o kahit ano pa mang bagay ma’am.

Ma’am sa tingin ko po ang ating tatalakayin sa araw na ito ay tungkol sa Patakarang pananalapi.

C. Paglalahad/Talakayan

Gawain ng Guro

Gawain ng Mag-aaral

Base sa napakinggan ninyo, ngayon naman ay malalaman niyo kung ano nga ba ang mga tungkulin o kahulugan ng Patakarang Pananalapi. Ito ay sa pamamagitan ng isang pangkatang gawain. Handa na ba ang lahat?

Hahatiin ko sa apat na pangkat ang klase. Ang bawat pangkat ay ibibilog ang upuan. Pipili ng lider ang bawat pangkat na pupunta sa harapan upang bumunot ng paksa na kanilang tatalakayin. Bibigyan ng sampung minuto ang bawat pangkat upang maghanda at tig-limang minuto naman para sa pag-uulat.

Ang mga paksang tatalakayin ay ang mga sumusunod:

Unang Grupo: Ang konsepto ng Pera

Ikalawang Grupo: Pag-iimpok at Pamumuhunan

Ikatlong Grupo: Mga Institusyong Bangko

Ikaapat na Grupo: Mga Institusyong Di- Bangko.

Magaling! Bigyan ng palakpak ang unang pangkat sa kanilang naging presentasyon.

Nais ko lang magdagdag ng kaunting impormasyon.

Ang salapi ay mahalagang bahagi sa buhay ng tao ngunit ang pangangasiwa rito ay isang malaking hamon sa lahat ng bansa. Ang dami ng salapi sa sirkulasyon ay maaaring magdulot ng kasaganahan o suliranin sa mga mamamayan. Dahil dito, ang pag-iingat at matalinong pamamahala ay kinakailangan upang masiguro na ang bilang ng salapi sa ekonomiya ay magiging kasangkapan upang mapanatili ang kaayusan.

Mahusay! Bigyan ng palakpak ang ikalawang grupo.

Ang Pag-iimpok ay isang mahalagang indikasyon ng malusog na ekonomiya. Ang Philippine Deposit Insurance Corporation (PDIC) ay ahensiya ng pamahalaan na naglalayon na mapataas ang pag-iimpok sa Pilipinas. Ayon sa kanila, kapag maraming mamamayan ang natutong mag-impok, maraming bansa ang mahihikayat na mamumuhunan sa Pilipinas dahil saligan matatag na bansa ang mataas na antas ng pag-iimpok.

Samantala, ang pamumuhunan ay isa ring mahalagang salik sa ating bansa. Kapag maraming namumuhunan sa isang bansa, ang tiwala at pagkilala ay kanilang ipinakikita sa pamamagitan ng pagtatayo ng mas maraming negosyo. Mas maraming negosyo, mas maraming trabaho, mas maraming mamamayan ang magkakaroon ng kakayahang matugunan ang kanilang mga pangangailangan.

Magaling! Bigyan ng palakpak ang Ikatlong grupo.

Ang mga Institusyong bangko ay may kinabibilangan na mga pinauutang ito ay ang mga negosyanteng nangangailangan ng puhunan upang mapalago ang kanilang negosyo at may mga naging dahilan naman ito ng paglago ng ekonomiya ito nga ay ang mga uri ng Bangko.

Commercial Banks- Ang Commercial Banks ay maari ding tumatanggap at magbigay ng letter of credit at iba pang instrumento ng kredito na malaki ang naitutulong sa patuloy na pag-unlad ng mga negosyo.

Thrift Banks- Ang Thrift Banks ay pinapayagan ding magpautang sa ating pamahalaan sa pamamagitan ng pagbili ng mga ito ng mga government securities.

Rural Banks- ito yung mga bangko malayo sa Kalakhang Maynila na tumutulong sa mga magsasaka o sa maliliit na negosyante.

Land Bank of the Philippines (LBP)- Tinutulungan din nito ang iba pang negosyante sa kanilang pangangailangan sa puhunan.

Development Bank of the Philippines (DBP)- Prayoridad ng DBP ang mga small and medium scale industry. Malaking bahagi ng pondo ng pamahalaan ang nakadeposito sa bangkong ito.

Al-Amanah Islamic Investment Bank of the Philippines (Al-Amanah)- Ang Al-Amanah ay may walong(8) sangay. Lahat ng sangay ng nasabing bangko ay matatagpuan sa Mindanao. Ang Zamboanga City samantalang ang pitong (7) sangay nito ay matatagpuan sa lungsod ng Cagayan de Oro, Davao, General Santos, Marawi, Iligan At Cotabato; at sa isla ng Jolo.

Magaling! Bigyan ng palakpak ang Ikaapat na grupo.

Nagagalak ako dahil mahusay ninyong naipaliwanag ang mga paksang ibinigay ko sa inyo! Bigyang nyo nga ang mga sarili nyo ng Pawer Clap.

Idadagdag ko lamang na sa Uri ng Di-bangko ay may malaking pakinabang ito sa ating bansa dahil dito ay may kakayahan tayo na makapangheram ng ating pangangailangan at nakakatulong din ito sa mga kasapi na siyang nagpapalago nito. Nauunawaan ba?

Opo, Ma’am!

(Unang Grupo)

Ang Konsepto ng Pera:

Ang salapi ay pera na ginagamit bilang pamalit sa produkto o serbisyo. Kung nais mong kumain ng tinapay, halimbawa, mangangailangan ka ng salapi upang mabili ito. Sa gayon, ang pera ay instrumento na tinatanggap ng nagbibili at mamimili bilang kapalit ng produkto o serbisyo (medium exchange).

Ang Konsepto ng Patakarang Pananalapi:

Ang pamahalaan, sa pamamagitan ng Bangko Sentral ng Pilipinas (BSP). ay nagtatakda ng mga pamamaraan upang masigurong matatag ang ekonomiya, higit sa lahat ang pangkalahatang presyo. Ito ay bilang katiyakan na ang mamamayan ay patuloy na magkaroon ng kakayahan na makabili at matugunan ang mga pangangailangan gamit ang kanilang kinita mula sa pagtatrabaho.

Ang patakarang pananalapi ay isang sistemang pinaiiral ng BSP upang magkontrol ang supply ng salapi sa sirkulasyon. Kaugnay nito, ang BSP ay maaaring magpatupad na Expansionary Money Policy at Contractionary Money Policy.

(Ikalawang grupo)

Pag-Iimpok at Pamumuhunan

Sa aspeto ng pag-iimpok at pamumuhunan ayon sa modelo ng paikot na daloy, ang pag-iimpok ay kitang lumalabas sa ekonomiya. Samantalang ang pamumuhunan ang magbabalik nito sa paikot ng daloy.

Ang pamumuhunan ay nangangailangan ng sapat na salapi. Ang paggasta ay kinapapalooban ng pagbili ng mga kagamitan, mga salik ng produksyon at iba pa. Pangkaraniwan na ang mga mamumuhunan ay gumagamit ng sariling salapi o puhunan na hiniram sa ibang tao, sa bangko, o sa ibang institusyon sa pananalapi. Ang perang hiniram upang gamiting puhunan ay karaniwang nagmumula sa inimpok o idineposito sa mga institusyon sa pananalapi tulad ng bangko o kooperatiba.

(Ikatlong Grupo)

Mga Institusyong Bangko

Ito ang mga institusyong tumatanggap ng salapi mula sa mga tao, korporasyon at pamahalaan bilang deposito. Sa pamamagitan ng interes o tubo, ang halagang inilagak ng mga tao bilang depositong nalikom ay ipinauutang sa mga nangangailangan na may kakayahang magbayad nito sa takdang panahon.

Uri ng mga Bangko

1. Commercial Banks- Ito ang malalaking bangko. Dala ng kanilang malaking capital, ang commercial banks ay pinapayagang makapagbukas ng mga wala pang mga bangko. Nakapangangalap sila ng deposito sa higit na maraming tao. Dahil dito, may kakayahan silang magpahiram ng malaking halaga ng puhunan sa mga mangangalakal o malalaking negosyante.

2. Thrift Banks- mga di- kalakihang bangko na kalimitang nagsisilbi sa mga maliliit na negosyante. Ang bahagi ng kanilang puhunan at depositong tinanggap ay ipinauutang nila, kalimitan, sa mga maliliit na negosyante bilang pantustos ng mga ito sa kanilang mga negosyo.

3. Rural Banks- Ang rural banks o mga bangko na kalimitan ay matatagpuan sa mga lalawigang malayo sa kalakhang Maynila at tumutulong sa mga magsasaka, maliliit na negosyante, at iba pang mga mamamayan sa kanayunan sa pamamagitan ng pagpapautang upang ang mga ito ay magkaroon ng puhunan at mapaunlad ang kanilang kabuhayan.

4. Specialized Government Banks

Mga bangkong pag-aari ng pamahalaan na itinatag upang tumugon sa mga tiyak na layunin ng pamahalaan.

a. Land Bank of the Philippines (LBP)

Itinatag sa pamamagitan ng Republic Act No. 3844 na sinusundan ng Republic Act No. 7907, layunin ng LBP ang magkaloob ng pondo sa mga programang pansakahan.

b. Development Bank of the Philippines (DBP)

Unang natatag noong 1946 upang matugunan ang pangangailangan ng bansa na makatayo mula sa mapanirang Ikalawang Digmaang Pandaigdig, ang pangunahing layunin ng DBP ay ang tustusan ang mga proyektong pangkaunlaran lalo na sa sektor ng agrikultura at industriya.

c. Al-Amanah Islamic Investment Bank of the Philippines (Al- Amanah)

Itinatag sa ilalim ng Republic Act No. 6848, layunin ng bangkong ito na tulungan ang mga Pilipinong Muslim na magkaroon ng puhunan at mapaunlad ang kanilang kabuhayan.

(Ikaapat na Grupo)

Mga Institusyong Di-Bangko

Maaring ituring na nasa ilalim ng institusyon ng pananalapi ang mga ito sapagkat tumatanggap sila ng kontribusyon mula sa mga kasapi, pinalalago ito at muling ibinabalik sa mga kasapi pagdating ng panahon upang ito ay mapakinabangan.

1. Kooperatiba- Ang kooperatiba ay isang kapisanan na binubuo ng mga kasapi na may nagkakaisang panlipunan o pangkabuhayan layunin. Para maging ganap na lehitimo ang isang kooperatiba, kailangan itong irehistro sa Cooperative Development Authority (CDA).

2. Pawnshop o Bahay- sanglaan- Itinatag ito upang magpautang sa mga taong madalas mangailangan ng pera at walang paraan upang makalapit sa mga bangko. Ang mga indibidwal ay maaaring makipagpalitan ng mahahalagang ari-arian tulad ng alahas at kasangkapan (tinatawag na kolateral) kapalit ng salaping katumbas ng isinangla, kasama na ang interes.

3. Pension Funds

a. Government Service Insurance System (GSIS)- Ito ang ahensiyang nagbibigay ng seguro ( Life Insurance) sa mga kawaning nagtatrabaho sa mga ahensiya ng gobyerno, local na pamahalaan, mga korporasyon pag-aari at kontrolado ng gobyerno, at mga guro sa mga pampublikong paaralan.

b. Social Security Service (SSS)- Ang SSS ay ang ahensiya ng gobyerno na nagbibigay ng seguro sa mga kawani ng pribadong kompanya at sa kanilang pamilya sa oras ng pangangailangan katulad ng kaniyang pagkakasakit, pagkabalda, pagretiro,pagkamatay, at pagdadalang tao kung ang kawani ay babae.

c. Pagtutulungan sa kinabukasan: Ikaw, Bangko, Industriya at Gobyerno (PAG-IBIG Fund)- Ang Pag-Ibig Fund at itinatag upang matulungan ang mga kasapi nito sa panahon ng kanilang pangangailangan lalo na sa pabahay. Ang mga empleyado sa pamahalaan man o pribadong sektor ay kinakailangang maging kasapi rito. Ang mga taong may sariling negosyo at mga Overseas Filipino Workers (OFW) ay maaaring maging boluntaryong kasapi.

4. Registered Companies- Ang mga rehistradong kompanya (registered companies) ay yaong mga kompanyang nakarehistro sa komisyon sa panagot at palitan (Securities and Exchange Commission o SEC) matapos magsumite ng basic at additional documentary requirements, at magbayad ng Fling fee.

5. Pre-Need- Ang Pre-Need Companies ay mga kompanya o establisimyento na rehistro sa SEC na pinagkalooban ng nararapat na lisensiya na mangangalakal o mag alok ng mga kontrata ng preneed o pre-need plans.

6. Insurance Companies (Kompanya ng Seguro)

Ang Insurance companies ay mga rehistradong korporasyon sa SEC at binigyan ng karapatan ng Komisyon ng Seguro (Insurance Commision) na mangalakal ng negosyo ng seguro sa pilipinas.

D. Paglalapat

Ipanunuod ang video ng “Usapang pera: Noon at Ngayon”.

1. Bilang isang mag-aaral, sa paanong paraan mo pahahalagahan ang pera?

2. Ano ang kahalagahan ng mga bangko sa pag-unlad ng isang bansa?

E. Paglalahat

SURI-LARAWAN:

Bubuo ng isang pamagat ang bawat pangkat ayon sa larawan nakanilang nakikita. Bibigyan ng isang parihabang piraso ng kartolina ang bawat pangkat at doon isusulat ang pamagat na kanilang maiisip Ipapaskil sa pisara at iuulat sa klase. Bibigyan ng limang minuto ang bawat pangkat upang maghanda at tig-dalawang minuto naman para sa pag-uulat. Pagkatapos ay pipili ng isa(1) sa apat (4) na pamagat na ipinaskil sa pisara.

IV. Ebalwasyon:

Panuto: Hanapin sa Hanay B ang uri ng bangkong inilalarawan sa hanay A. Isulat sa patlang ang titik ng tamang sagot bago ang bilang.

Hanay A Hanay B

___1. Dahil sa malaking Kapital, ang mga bangkong ito ay a. bangkong pagtitipid

nagpapautang para sa ibang layunin tulad ng b. Land Bank of the Philippines

pabahay at iba pa. c. Bangkong Komersyal

___2. Pangunahing layunin ng mga bangkong ito na d. Development Bank of the

hikayatin ang mga tao na magtipid at mag-impok. Philippines

___3. Itinatag ito upang mapabuti ang kalagayang e. bangkong rural

pangkabuhayan sa kanayunan. f. Bangko Sentral ng Pilipinas

___4. Pangunahing tungkulin nito na tustusan ng

pondo ang programang pansakahan ng pamahalaan.

___5. Layunin ng bangkong ito na mapaunlad ang

sektor ng agrikultura at industriya, lalo na sa mga

programang makatulong sa pag-unlad ng ekonomiya

V. Takdang- Aralin

Panuto: Suriin at pag-aralan ang pie graph sa kwaderno matapos ito kwentahin ang kabuuang bilang ng mga uri ng mga institusyong pinansyal. Gumamit ng pie graph upang madaling matukoy ang bilang o bahagdan.

Mga Gabay ng Tanong

1. Ano ang mga uri ng institusyon ng pananalapi ayon sa pie graph?

2.Ano ang nagtala ng may pinakamataas na bilang sa mga institusyon ng pananalapi?

3 Ano ang naging batayan sa mga nabuong kongklusyon? Pangatwiran.

Sangguniang Aklat: Modyul ng Mag-aaral/ Ekonomiks 9 (Araling Panlipunan) pahina, 318-319